Endå ei gledeleg nyheit

Tekst og foto: André Sætre, Misjonssekretær Møre og Romsdal krets

Norway Seaman`s Mission

Cruiserederiet Caribian Cruises er så fornøgde med velferdsarbeidet vi yt til mannskapet deira når dei går i land i dei norske havnene, at dei vil dekke husleiga i lokala vi brukar langs kysten - for både året 2024 og 2025. Kanskje kan det bli eit endå lengre samarbeid, vi får sjå.

Mannskap på besøk i Ålesund

Men endå ei nyheit er at ein høgtståande leiar i dette rederiet med tittelen PRESIDENT vil besøkje eit av lokala våre i Norge, og har blinka seg ut lokalet vårt i Ålesund. Då kjem han i land saman med offiserane på skipet, torsdag 22. mai 2025. Dei blir truleg ei gruppe på 25-40 personar som besøkjer oss i Ålesund.

Vi takkar og bukkar, og gled oss til celebert besøk.
Vi ynskjer også å invitere inn ordførar og havnekaptein.

Ja, vi ser at Herren gjer under dag for dag i denne misjonen.
Det byrja med eit rop frå ein kappelan: GUD VIL DET!
Og faktisk så trur vi at det ropet gjeld 145 år seinare også.

Ja, vi ser at Herren gjer
under dag for dag
i denne misjonen.”

I TRU TIL GUD KASTAR VI UT GARNA. SÅ ER DET HAN SOM HAR SAGT AT VI SKAL FÅ FISK.
Joh. 7,38: “Den som trur på meg, frå hans indre skal det, som Skrifta seier, renna elvar med levande vatn.»