Julemessene er i gang

Julemessene for Den indre Sjømannsmisjon er i gang, med messer nesten kvar helg i november.
Møre og Romsdal krets var først ut. Neste er Karmsund krets, så Bjørgvin. Trøndelag krets set punktum for messene lørdag 30. november.

Julemessa i Møre og Romsdal krets

Tekst og foto: André Sætre, misjonssekretær

LAURDAG 9. NOVEMBER hadde vi julemesse i Spjelkavik Bedehus. Det strøymde på med folk, og huset vart etter kvart fullt. Som vanleg byrja vi med åresal. Så var det tid for song og andakt. SUNNMØRSGUTTENE song til oss og Arnvid Brandal held ei god andakt om forskjellen på å vere religiøs, og det å vere ein gjenfødt kristen. Peter i Apgj. 10, gjekk til høvedsmannen Kornelius sitt hus for å forkynne evangeliet til denne religiøse mannen. Det var så viktig at han fekk høyre ei rett forkynning om Jesus Kristus, og om frelsesvegen.

Her blir det trøndersodd.

NYDELEG TRØNDERSODD, KAKER, smørbrød og kaffi vart seld i «Kafeen».
Etter kvart vart det tre rundar med åresal. Tombolatrommelen gjekk jamt og trutt, særleg kjekt for alle borna.
Salsdisken med strikka og handlaga produkt, klippfisk som vi fekk med Gustav Stokke AS, småkaker av ymse slag og lefser gjekk unna.

Mange flotte produkt å finna på salsdisken.

PROGNOSANE TYDER PÅ at totalresultatet vert litt lågare enn i fjor, men vi er godt nøgde med den flotte julemessa vi fekk ha. Vi reknar med det kom inn om lag kr 120 000,-.

TUSEN TAKK TIL alle som gav gevinstar, tok lodd og kjøpte ting på messa! Og ikkje minst også ei stor takk til alle som hjelpte til! Julemessa betyr mykje økonomisk for misjonsarbeidet. Takka vere alle gode hjelparar kan vi framleis halde julemesse for Den indre Sjømannsmisjon.
Vi kjenner oss takknemlege for å få være med i arbeidet for Guds rike!

Sjå meir frå julemessa på Facebook.